Madaxwryne Xasan Sheekh oo Mas’uuliyiin iyo Shacab Salaadda Ciidda Kula Tukaday Ankara

[Deeq A.]

Iyadoo ay maanta Muslimiin dunida u tahay dharaarta koobaad ee ciiddu adxaha ayaa madaxda iyo hoggaamiyaasha dalalka Islaamku waxay salaadda ciidda la oogeen kumaan dadweyne ah, ayagoo shucuubta Islaamka ugu hambalyeeyay maalintan farxadda iyo niyaayarka huwan.

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo safar shaqo ku jooga dalka Turkiga ayaa salaadda Ciidda Carafo kula tukaday Masjid ku yaala magaalada Ankara Madaxweyne ku xigeenka dalkaasi mudane Cevdet Yılmaz iyo qaar ka mid ah bulshada muslimiinta ah ee ku nool dalka Turkiga.

Madaxweynaha ayaa sidoo muuqaal laga soo duubay ugu hambeeyay shacabka Soomaaliyeed meel walboo ay joogaan, asagoo ugu baaqay inay is kaalmeeyaan oo qoysaska dan’yarta ah ka farxiyaan.

Dhanka kale dhallinyarada kooxda Alshabaab ka tirsan ayuu ugu baaqay inay isi soo dhiibaan, islamarkaana ay dowladdu soo dhowayn doonto oo nolol wanaagsan u abuuri doonto, haddii ay fikradda ururkaas ka laabtaan.

Madaxda Soomaalida ayaa caan ku ah inay maalmaha ciidda cafis u fidiyaan maxaabiista dembiyada fudud u xiran, sidoo kalena ay isi soo dhiibis muddaysan u soo bandhigaan kooxaha hubaysan ee nadaamka dowliga ah ka soo horjeeda.

Source: goobjoog.com