Haweeney markii u horraysay la sheegay in ay ku guulaysatay doorashada madaxweynaha Mexico

[Deeq A.]

Xisbiga talada haya ee dalka Mexico ayaa sheegtay in doorashadi ka dhacday dalkaasi ay ku guuleysatay haweeneyda lagu magacaabo Claudia Sheinbaum oo ka tirsan xisbigaasi.

Xisbiga MORENA ayaa guushani sheegtay saacado yar kaddib marki lasoo xiray doorashada xalay fiidkii xilliga Mexico, iyaga oo sheegay in Claudia Sheinbaum ay codad aad u badan ku horreyso taasoo waddada u xaareysa in ay noqoto madaxweynihi u horreeyay oo dumar ah oo hogaamiyo Mexico.

Ra’yi ururin ay sameysay xarunta Parametria ayaa muujineysa in Sheinbaum ay doorashada ka heli doonto codad dhan 56%. Sida kaso muuqatay codadka ilaa iyo hadda la tiryay, murashaxa xisbiga mucaaridka Soojit Galvez ayaa heshay 30%.

Inkasta oo aanan wali la dhameystirin guud ahaan tirinta codadka, haddana Galvez ayaanan qiran in laga guuleystay, iyada oo u sheegay taageerayaasheeda in ay dulqaad yeeshaan ilaa looga dhawaaqayo natiijada rasmiga ah.

PUNTLAND POST

The post Haweeney markii u horraysay la sheegay in ay ku guulaysatay doorashada madaxweynaha Mexico appeared first on Puntland Post.