Maxkamad ku taala New York oo Donald Trump ku heshay 31 dambi oo lagu eedeeyey

[Deeq A.]

Madaxweynihii hore ee Maraykanka hadana ah musharax madaxweynaha Maraykanka Donald Trump ayaa lagu helay 31 dambi oo lagu soo eedeeyey kadib markii xeerbeegtida New York ay ku heleen dambi ah inuu been abuur ku sameeyay dukumeenti, si uu u qariyo lacag lagu aamusiyay haweeney sameysa filimada galmada kahor doorashadii madaxweynaha ee 2016-ka.

Kadib markii ay ka doodeen muddo laba maalmood ah, 12 xubnood oo xeerbeegti ah ayaa ku dhawaaqay inay Trump ku heleen dhammaan 31-ta eedeymo ee uu wajahay.

Xukunkan ayaa Mareykanka ku riixaya xaalad aan sahansaneyn kahor doorashada madaxtinimo ee la qorsheeyay 5-ta November, markaa soo Trump oo ah musharraxa Jamhuuriga, uu isku dayi doono inuu Aqalka Cad dib ugala wareego Madaxweynaha Dimuqraadiga ah Joe Biden.

Trump oo 77 jir ah ayaa diiday inuu wax khalad ah sameeyay, waxaana la filayaa inuu racfaan ka qaato xukunka.

Waxa uu wajahayaa ugu badnaan afar sano oo xabsi ah, inkastoo dadka kale ee lagu helo dambigan ay inta badan helaan xukuno gaaban, ganaaxyo ama tijaabin, kamana hor istaagayo xarigu inuu u ololeeyo, ama uu qabto xilka haddii uu ku guulaysto.

PUNTLAND POST

The post Maxkamad ku taala New York oo Donald Trump ku heshay 31 dambi oo lagu eedeeyey appeared first on Puntland Post.