Imtixaanka Fasalka 8-aad ee Puntland oo soo gebogboobay.

[Deeq A.]

Imtixaanka shahaadiga ah Fasalka 8-aad ee dugsiyada dhexe ee Puntland ayaa maantay soo gabogaboobay kadib afar maalmood oo uu ka socday deegaanada Puntland.

In ka badan 14000 (afar iyo toban kun) oo arday ayaa u fariistay imtixaanka fasalka 8-aad ee dugsiyada dhexe Puntland,halka fasalada 4-aad ee dugsiyada sare uu wali u socdo.

Wasiirka Wasaaradda Waxbarashada iyo tacliinta sare ee Puntland Fu’aad Abshir Adeer oo ka hadlay magaalada Garoowe ayaa ku dhawaaqay inuu soo xirmay Imtixaanka shahaadiga ah fasalka 8-aad ee Puntland.

Wasiir Fu’aad ayaa sheegay inaysan wax caqabad ah aysan la kulmin ardaydu mudadii uu imtixaanku socday isagoona guul u rajeeyey.

PUNTLAND POST.

The post Imtixaanka Fasalka 8-aad ee Puntland oo soo gebogboobay. appeared first on Puntland Post.