Qafaal Goor dhaw ka bilaabmaya Mogadishu

[Kamalu Diin]

Habeenadii ugu dambeeyay oo Muqdisho gudaheeda lagu arkayay Gaadiid ay saaran yihiin dhalinyaro dadka ku qalqaalineysa in dadku ka qeyb qaataan Jihaadka

 

Habeenadii la soo dhaafay ayaa waxaa gudaha magaalada Muqdisho lagu arkayay

xilliyada wixii ka dambeeya 9:00 dhalinyaro faro badan oo saaran gaadiid nooca loo

yaqaano waaraadka kuwaasoo dhalinyarada ay isku kooxda yihiin ku qal qaalinaya inay

soo raacaan isla markaana ay dhalinta tagto goobaha ay isku hor fadhiyaan ciidamada

maxkamadaha iyo kuwa dowladda federaalka gaar ahaana dhinaca Buur-hakaba.

 

Habeenkii xalay ahaa ayaa waxaa lagu arkay xaafadaha degmada Wardhiigley, gaari weyn

oo ah nooa loo yaqaano Waaraadka oo isagu ku soo agbaakimanaya goobaha ay

dhalinyaradu ku shaahaan, ee maqaayadaha ah, iyagoo u soo diraya dhalinyaro ka mid

ah oo kuwa kale ku booriya inay soo raacaan gaariga si loo geeyo furimaha dagaalka

ee laga cabsi qabo inay isku faro saaraan dhinacyada maxkamadaha iyo dowladda oo

kaashaneysa kuwa Itoobiyaanka.

Dhinaca kale, ciidamo gurmad ah oo xoogan ayaa sidoo kale waxa ay ka baxayeen

habeenadii ugu dambeysay saldhigyada ciidamada ee ay gacanta ku hayaan golaha

maxkamadaha islaamka Soomaaliyeed, waxayna arrintani ka dambeysay kadib markii ay

shaqaaqooyin dhex mareen ciidamo Itoobiyaan ah iyo kuwa ku sugan Diinsoor ee

maxkamadaha.

 

Garaad Salaad Xirsi

garaadcadde@hotmail.com

Ceelbuur Net