Dagaal gaystay dhimasho iyo dhaawac oo ka dhacay Galgaduud

[Deeq A.]

Dagaal beeleed sababay khasaaro isugu jira dhimasho iyo dhaawac ayaa ka dhacay deegaano hoostaga degmada Balanbale ee gobolka Galgaduud.

Goobjoogayaal ayaa waxaa ay sheegeen in maleeshiyaad hubeysan oo xoolo dhaqato ahaa ay weerar ku dileen hal ruux halka mid kale ay ku dhaawaceen, dadkaas oo dhamaantood ahaa shacab.

Falkan ayaa waxaa lala xiriiranayaa dilal aanooyin qabiil ah oo waayadii dambe ka socday degaano ka tirsan Galmudug, iyada oo madaxda iyo laamaha amniga Galmudug ay ku fashilmeen in ay wax ka qabtaan.

Laamaha amniga degmada Ballanbale ee gobolka Galgaduud ayaan weli ka hadlin weerarka ka dhacay degmadaas, hayeeshee shantii sano ee la soo dhaafay ayaa degaannada Galmudug waxaa ka jiray colaad beeleedyo soo laab laabtay.

PUNTLAND POST

The post Dagaal gaystay dhimasho iyo dhaawac oo ka dhacay Galgaduud appeared first on Puntland Post.