Raysal wasaaraha Slovakia oo ka baxay khatarta kadib markii la toogtay.

[Deeq A.]

Nolosha Ra’isul Wasaaraha slovakia Robert Fico ayaa la sheegay in aanay hadda khatar ku jirin kaddib markii dhawr xabadood lagu dhuftay, sida uu sheegay ra’isul wasaare kuxigeenku.

Tomas Taraba ayaa war fidiyeenka u sheegay in qaliinkii lagu sameeyay Fico uu si wanaagsan u dhacay, ‘’Inta aan ka ogahay, qaliinku si wanaagsan ayuu u dhacay, aakhirkana waxan rajeynayaa in uu badbaadi doono.

Arbacadii, Mr Fico illaa shan jeer ayaa la toogtay, si xun ayuuna u dhaawacmay, iyadoo isku daygu ahaa in la khaarajiyo,edeysanaha looga shakisan yahay weerarka ayaa isla goobta lagu xiray magaalada yar ee Handlova.

Toogashada kaddib ayaa Fico waxa loola cararray isbitaalka, halkaas oo dhawr saacadood lagu sameynayay qaliin ‘’naftiisa lagu badbaadinayay’’ sida laga soo xigtay wasiirka gaashaandhiga Robert Kalinak oo ka hadlayay shir saxaafadeed lagu qabtay dibadda isbitaalka lagu daweynayay ra’isul wasaaraha Arbacadii.

PUNTLAND POST.

The post Raysal wasaaraha Slovakia oo ka baxay khatarta kadib markii la toogtay. appeared first on Puntland Post.