Dalalka G7 oo walaac ka muujiyay Heshiiskii Badda Itoobiya iyo Somaliland

[Deeq A.]

Wasiirada Arrimaha Dibadda ee Wadamada G7 ayaa walaac ka muujiyay Heshiiskii Badda ee la sheegay in uu dhexmaray Itoobiya iyo Maamulka Somaliland.

Wadamada G7 ayaa ku adkaystay in la ilaaliyo sharciyada Caalamiga ah Madaxbaaanida iyo Qaranimada ee ku cad cahdiga Qaramada Midoobay.

Wasiirada Arrimaha Dibadda ee Wadamada G7 ee Kanada, faransiiska, Jarmalka, Talyaaniga Jaban, Boqortooyada UK Maraykanka iyo Ergayga Midowga Yurubka ayaa bogaadiyay horumarada Soomaaliya ay ka samaysay dhanka Hay’adaha dhaqaalaha iyo ammaanka.

Sidoo kale waxay ku dhiiragaliyeen dowladda Soomaaliya inay sii wado oo ay sii laba jibaarto ka guul gaarida dagaalka socda ee ka dhanka ah kooxaha Argagixisada ah.

Dhanka kale wasiiradu ayaa soo dhaweeyay qorshayaasha ay wadaan dowladda Soomaaliya iyo midowga Afrika ee ku aadan hormarinta qorshaha dowladdu ay kula wareegayso ammaanka wadanka.

PUNTLAND POST

The post Dalalka G7 oo walaac ka muujiyay Heshiiskii Badda Itoobiya iyo Somaliland appeared first on Puntland Post.