Mareykanka Oo 15 Sanno Xabsi Ah Ku Xukumay Diblomaasi 40 Sanno Jaajuusayay

[Deeq A.]

Diblamaasi hore oo Mareykan ah ayaa lagu xakumay 15 oo xadhig ah, kaddib marki uu qirtay inuu jaajuus u ahaa Dowladda Cuba.

Wasaaradda Caddaaladda Mareykanka ayaa kiiska diblamaasigaasi hore ku tilmaantay, mid ka mid ah jaajuusnimadi ugu heerka-sarreysay uguna waqtiga dheereyd ee lagu sameeyo Dowladda Mareykanka.

Victor Manuel Rocha, oo soo noqday Safiirka Mareykanka ee dalka Bolivia inti u dhaxeysay sannadihi 2000 ilaa 2002-di, ayaa qirtay laba eedeyn oo mid ay aheyd inuu si sharci darro ah wakiil ugu noqday dowlad kale. Bishi December ayaa dacwadi ugu horreysay lagu oogay.

Rocha, oo 73 jir ah, ayaa si qarsoodi ah u taageeray Xisbiga Shuuciga ah ee ka arrimiya Cuba isla markaana mukhaabaraadka dalkaasi ka caawiyay inuu siiyo xoggo liddi ku ahaa Dowladda Mareykanka muddo ka badan 40 sannadood.

Dacwad oogaha Dowladda Mareykanka ayaa sheegay, in muddadaasi ay ku jirtay 20 sanno oo uu ahaa sarkaal ka tirsan Wasaaradda Arrimaha Dibadda Mareykanka.

Qareennada Rocha ayaanan wali bixin faah-faahin ku saabsan xakunka lagu riday

Source