Ra’iisul wasaare Xamse oo magacaabay xubno kamid ah golihiisa xukuumadda

[Deeq A.]

Ra’iisul Wasaaraha Xukuumadda Federaalka Soomaaliya Xamse Cabdi Barre ayaa saaka magacaabay xubno ka tirsan golihiisa wasiirada.

Ra’iisul wasaare Xamse ayaa wasiirka arrimaha dibadda iyo iskaashiga caalamiga ah u magacaabay Axmed Macallin Fiqi.

Wasiirka arrimaha gudaha, federaalka iyo dib u heshiisiinta ayuu sidoo kale ra’iisul wasaaruhu u magacabay xildhibaan Cali Yuusuf Cali Xoosh.

Cabdullahi Sheekh Ismaaciil Fartaan ayaa loo magacaabay wasiirka amniga gudaha, halka Cabdullaahi Bidhaan Warsame uu noqday wasiirka wasaarada tamarta iyo biyaha.

Maxamed Aadan Macallin ayaa isna loo magacaabay wasiirka wasaaradda boostada, is-gaarsiinta iyo tiknoolojiyadda, halka Axmed Cumar Maxamed uu noqday wasiiru-dowlaha is-bedelka cimilada.

PUNTLAND POST

The post Ra’iisul wasaare Xamse oo magacaabay xubno kamid ah golihiisa xukuumadda appeared first on Puntland Post.