Shir ku saabsan iskaashiga amniga, dhaqaalaha iyo siyaasadda oo Addis Ababa u furmay Puntland iyo Itoobiya

[Deeq A.]

Shir ku saabsan iskaashiga dhinacyada ammaanka, dhaqaalaha iyo siyaasadda ayaa magaalada Addis Ababa uga furmay Puntland iyo dowladda Itoobiya.

War-saxaafadeed ka soo baxay wasaaradda arrimaha dibadda Itoobiya ayaa lagu sheegay in labada dhinac uu u furmay wada-xaajood ku saabsan iskaashiga dhanka ammaanka, dhaqaalaha iyo siyaasadda.

Shirka waxa dhinaca Itoobiya hogaaminaya wasiiru dowlaha arrimaha dibada Mesganu Arga, halka dhanka Puntland uu hogaaminayo wasiirka Maaliyada oo ay weheliyaan xubno ka tirsan guddiga dardar gelinta ganacsiga.

War-saxaafadeedka wasaaradda arrimaha dibadda Itoobiya ayaa lagu sheegay in labada dhinac isla garteen muhiimadda ay leedahay xoojinta iskaashiga ganacsiga, amniga iyo sare u qaadidda horumarinta kaabayaasha dhaqaalaha.

PUNTLAND POST

The post Shir ku saabsan iskaashiga amniga, dhaqaalaha iyo siyaasadda oo Addis Ababa u furmay Puntland iyo Itoobiya appeared first on Puntland Post.