Dhulgariir Xooggan oo Ku Dhuftay Taiwan iyo Khasaare Kale Duwan oo Ka Dhashay

[Deeq A.]

Dhul-gariirkii ugu xooganaa ee muddo 25 sano ayaa ku dhuftay dalka Taiwan dhinaca jasiiradda xilli subaxnimadii hore ee saaka, kaas oo burbur u geystay dhismayaal iyo waddooyin waaweyn, waxaana uu sababay dhimashada afar qof.

Wakaaladda dab damiska qaranka Taiwan ayaa sheegtay in afar qof ay ku dhinteen degmada Hualien ugu yaraan 57 ay ku dhaawacmeen dhulgariirka oo dhacay wax yar ka hor 8 subaxnimo (00:00 GMT) Arbacada maanta sida la sheegay.

Adeegyada tareennada ayaa la hakiyay dhammaan jasiiradda oo ay ku nool yihiin 23 milyan oo qof, iyo sidoo kale adeegyada tareennada dhulka hoostiisa mara ee Taipei, halkaas oo khad cusub oo dhulka ka sarreeya qayb ahaan la kala gooyay.

Isu socodka dadka iyo gaadiidka ee xeebaha bari ayaa ahaa kuwo si toos ah u istaagay, iyadoo ay burbureen dhul go’ay iyo burbur soo dhacay oo ku dhacay tunnel-ka iyo waddooyinka waaweyn ee gobolka buuraleyda ah, kuwaas oo khasaare soo gaadhay gaadiidka.

Dhulgariirkii ugu xumaa ee Taiwan ka dhaca sannadihii u dambeeyay ayaa dhacay Sebtember 21, 1999, cabirkiisu wuxuu ahaa 7.6, kaas oo sababay dhimashada 2,400, dhaawaca ilaa 100,000 iyo burburka kumanaan dhisme ah.

Source: goobjoog.com