Soomaaliya iyo Iran oo isu diyaarinaya in ay heshiisyo iskaashi kala saxiixdaan

[Deeq A.]

Dowladda Soomaaliya ayaa lagu soo warramayaa in ay diyaar u tahay xiriir diblomaasiyadeed oo ay la yeelato jamhuuriyadda islaamiga ah ee Iran.

Labada dowladood ayaa sidoo kale lagu wadaa in ay bilaabaan diyaarinta heshiisyo iskaashi oo dhexmara, sida ay wakaaladda wararka Iran ee IRNA ka soo xigatay safiirka Iran u fadhiya Nairobi, Ali Gholampour.

Safiirka Iran u fadhiya dalka Kenya ayaa intaasi ku daray in xabsi ku yaalla Muqdisho laga sii daayay 33 kalluumeysato iyo badmaaxayaal u dhashay Iran, kuwaaso loo xiray inay si sharci darro ah uga kalluumaysanayeen xeebaha Soomaaliya sannadkii hore.

Soomaaliya ayaa xiriirka u jartay Iran sannadkii 2016, iyadoo sabab uga dhigtay faragelinta joogtada ah ee Iran ay ku hayso arrimaha gudaha ee Soomaaliya.

PUNTLAND POST

The post Soomaaliya iyo Iran oo isu diyaarinaya in ay heshiisyo iskaashi kala saxiixdaan appeared first on Puntland Post.