Ahmedou Ould-Abdalla Talks about Somaliland

[Jacaylbaro]

Nairobi (HWN/UNPOS)- Ergayga gaarka ah ee Xoghayaha guud ee Qaramada Midoobay u qaabilsan arrimaha Soomaaliya Ahmedou Ould-Abdalla, ayaa tan iyo intii is-mari-waaga Siyaasadeed dalka ka bilaabmeen, markii u horraysay ka hadlay khilaafaadka Siyaasadeed ee Somaliland ka taagan, waqti Wefti uu hoggaaminayo ku-xigeenkiisu ay dalka dib uga amba-baxeen.

 

 

Sida aanu ka soo xiganay Warsaxaafadeed kooban oo ka soo baxay Xafiiska Siyaasadda ee Qaramada Midoobay, Ergayga gaarka ah ee Xoghayaha guud ee Qaramada Midoobay u qaabilsan arrimaha Soomaaliya Ahmedou Ould-Abdallah waxa uu sheegay in Somaliland oo beesha Caalamku uga bartay inay iyagu dhexdooda dhammaystaan khilaafaadka, isla markaana isu-tanaasulaan uu rejaynayo in ay hoggaankooda Siyaasaddu tallaabadaa qaadi doonaan. Waxaanu sheegay in Somaliland taa awood u leedahay. “Somaliland waxay taariikh ku lahayd xallinta khilaafaadka dhexdooda, waxaanan rejaynayaa in hab-dhaqankaasi hadda ka hirgeli doono (Somaliland), si loo xallilo murannada iyo is-maan-dhaafyada taagan.” Ayuu yidhi Ergaygu.

 

 

 

Waxaanu intaa ku daray oo uu yidhi, “Labaatankii sanno ee la soo dhaafay reer Somaliland waxay ku taagnaayeen Jidka wada-xaajoodka iyo xallinnta Khilaafaadka. Markaa waxaan rumaysnahay in Somaliland ay aqoon u leedahay xal-u-helidda khilaafaadka gudahooda.”

 

 

Hadalka ka soo yeedhay Ergayga gaarka ah ee Xoghayaha guud ee Qaramada Midoobay u qaabilsan arrimaha Soomaaliya, ayaa ku soo beegmay waqti Wefti uu horkacayo Ku-xigeenkiisu Mr. Charles Betrie uu dalka dib uga laabtay ka dib markii uu kulamo gooni-gooni ah la yeeshay Madaxweyne Rayaale, Hoggaamiyayaaasha Axsaabta Mucaaradka ah iyo Hay’adaha Dawladda ee kale qaarkood.

 

 

 

 

 

Hadhwanaagnews.com/O ffice

 

Hargeysa/Somaliland

[Jacaylbaro]

“Somaliland waxay taariikh ku lahayd xallinta khilaafaadka dhexdooda, waxaanan rejaynayaa in hab-dhaqankaasi hadda ka hirgeli doono (Somaliland), si loo xallilo murannada iyo is-maan-dhaafyada taagan.”

[UZTAAD]

la'arki doone

[Jacaylbaro]

Taasaan been ahayn ,,, "la arki doonee"