Israel oo maalintii afraad duqayn ku wada isbitaalka al-Shifa ee marinka Gaza

[Deeq A.]

24-kii saac ee la soo dhaafay In ka badan 100 falastiiniyiin ah ayaa lagu dilay Gaza, kadib markii ciidamada Israel ay weerareen dhowr goobood oo kamid ah degaanada Gaza.

Weerarada Israel ee isbitaalka al-Shifa ee magaalada Gaza ayaa galay maalintiisii afraad, iyadoo la dilay tiro badan oo Falastiin ah,isla makaana ay barakeceen  daraasiin kale oo halkaasi u joogay gabaad .

Ra’iisul Wasaaraha Israel Netanyahu ayaa u sheegay senetarada Mareykanka ee Jamhuuriga in Israel ay sii wadi doonto dagaalka ay ku wajahayso Xamaas.

Dhinaca kale, Antony Blinken ayaa bilaabay socdaal uu ku marayo Bariga Dhexe isagoo wadahadallo Sacuudi Carabiya kula yeeshay madaxda dalkaasi ,wuxuuna manta tagayaa Masar si uu wadahadal ula yeesho wasiirrada Carabta.

Ugu yaraan 31923 falastiiniyiin ah ayaa la dilay 74096 kalana waxaa lagu dhaawacay weerarrada Israa’iil ee Gaza tan iyo Oktoobar.

PUNTLAND POST

The post Israel oo maalintii afraad duqayn ku wada isbitaalka al-Shifa ee marinka Gaza appeared first on Puntland Post.