Shir ku saabsan Turjumaada Xeer Nidaamiyeyaasha wax soo saarka Shiidaalka oo lagu qabtay Hargeysa

[Deeq A.]

Shir ku saabsan Turjumaada Xeer Nidaamiyeyaasha wax soo saarka Shiidaalka oo lagu qabtay Hargeysa

Hargeysa(Qaran news)- Waxa Wasaaradda Tamarta iyo Macdanta ka qabsoomay maanta kulanka daahfurka Dib u habaynta iyo Turjumaada Xeernidaamiyayaasha Baadhista iyo Soosaar ka Shidaalka, socon doontana muddo 6 bilood ah. kana kooban shan xeernidaamiye oo kale ah:

1. National Content Upstream Petroleum Regulations

2. Data Resource Management Regulations

3. HSE Upstream Petroleum Regulations

4. Upstream Petroleum Measurements Regulations

5. General Upstream Petroleum Regulations
ka soo qaybgalayasha kulanku waxa ay kala ahayeen,

Wasiir ku xigeenka Wasaaradda Tamarta iyo Macdanta Saciid Axmed Jibriil , la taliya farsamo ee Arimaha shidaalka Shidaalka Saciid M. Dhamac, Eng. Maxamud Jamac (Jabali), Agaasimaha W. Qorshaynta Muna Cabdilahi, Agaasimaha W. Shidaalka Yusuf Muse iyo injineero ka tirsan Waaxda Shidaalka.

Kulanka waxa furay agaasimaha W. Shidaalka isaga oo ka warbixiyay ahmiyada ay leedahay dib u habaynta iyo turjumaada xeernidamiyayaashan, taasi oo ka qayb qaadanaysa so jiidashada maal gashiga dhinca khayraad dabiiciga sidaa baadhista iyo soo saarka shidaalka, sidoo kale la xisaabtanka shirkadaaha heshiisyada dawlada kula jira.

Sido kale waxaa talooyin so jeediyay labada khabiir Eng Saciid Dhamac iyo Eng Maxamud Jabali kuna dheeraday sida ay u muhiimsantahay in la dhiso shuruucdaa iyo xeerarka shidaalka dalka.
Ugu danbaynti waxaa kulanka soo xidhay Wasiir ku xigeenka Wasaaradda Saciid Axmed Jibriil isag oo si qoto dheer uga hadlay muhiimada ay uu leedahay dalka in xeerarka iyo shuruucdaba dhamaystirnadaan, sidoo kale ay si fudud maalgashiga shisheeye ay ugu soo hiran karaan dalkeena, gunti iy gunaandkina waxaa uu ku booray injineerada iyo khubarada mudada 6 bilood ku diyaarin doonta xeernidaamiyayaashan inay guntiga dhiisha iskaga dhigaan sidii hawshaasi uu guulaysan lahayd.

Qaran News