Ciidanka Booliska oo soo qabtay Askari qof ku dilay Berbera

[Deeq A.]

Ciidanka Booliska oo soo Qabtay Askari qof ku Dilay Berbera

Hargeysa(Qaran news)- Ciidamada Booliska JSL , garahaan Qaybta Gobalka Saaxil ayaa gacanta kusoo dhigay edeysane K/ koobaad Rooble Xasan Gadiid oo 52 jir ah , kaasi ku eedaysan inuu dilay Marxuum Khaalid Maxamed Salaax oo 18jir ah Maanta abbaaro 11:30 duhurnimo.

Eedaysanaha ayaa ka tirsanaa Ciidanka Asluubta ee Jeelka Magaalada Berbera.

Hawlgallo iyo dedaal dheeriya Ciidanka Boolisku sameeyay ayaa lagu soo qabtay deegaanka Dubaar oo koofur bari kaga began Magaalada Berbera 15KM halkaasi oo u baxsaday. waxaanu hadda ku jiraa gacanta Ciidanka Booliska , iyadoo degdeg loo horgayn doonaa sharciga marka baadhistu dhammaato.

Taliska Ciidanka Booliska JSL , waxa uu Tacsi tiiraanyo leh u dirayaa Qoyskii uu ka baxay marxuumkaasi .ان لله وانا اليه راجعون

Qaran News