Tartanka Qur’aanka Kariimka ah Ee Shirkadda DAHABSHIIL U Qabatay Hablaha Oo La Soo Gabo’gabeeyay

[Deeq A.]

Tartanka Qur’aanka Kariimka ah Ee Shirkadda DAHABSHIIL U Qabatay Hablaha Oo La Soo Gabo’gabeeyay

Hargeysa(Qaran news)-Wasiirka Diinta iyo Awqaafta Somaliland Maxamed Xaaji AadaN Cilmi oo soo xidhay Tartanka Qur’aanka Kariimka ee Shirkada Dahabshiil Qaybta Hablaha (Akhri)

Wasiirka Wasaaradda Diinta iyo Awqaafta Somaliland maxamed Xaaji Aadan Cilmi ayaa Maanta soo xidhay tartan Qur’aanka kariimka ee Shirkada Dahabshiil qabato ,gaar ahaan qaybta Dumarka oo maanta lagu soo gebo-gabeeyay Masjidka Cali Mataan ee Magaalada Hargaysa.

Wasiirka oo Munaasibadaa ka hadlay ayaa Culimada Dalka ,Waalidiinta, Macalimiinta Madaariista Qur’aanka iyo Shirkada DAHABSHIIL uga mahadnaqay dedaalka iyo tacabka badan ee ay geliyeen kor u qaadida kitaabka ALLE iyo Sunnada.

“ Waxa aan aad iyo aad ugu Farax-sanahay in aynu maal-mahanba kala dooranayanay kala guran waa dhalinyaradeeni kitaabka ilaahay Xafiday Daafadaha dalkana isaga yimi oo Gobol kasta uu ka jiro tartankii Qur’aanka Kariimka ,Waxaynu odhan karaa dal waliba waxa uu hanti ugaar ah iyo wax soo saar ,waddamada Dunida qaar baa shidaalka ,macdanta iyo waxyaalo kale ay Hanti u tahay ,lakiin inaga wixii ugu wanaagsana ayaa hanti inoo ah oo dalkeena waxa hanti u ah kor u qaadista kitaabka ALLE iyo sunnada” ayuu yidhi Wasiirka Diinta iyo Awqaafta Somaliland oo munaasibadaas ka Jeediyey hadalo khudbad iyo duco iyo dardaaran.

Dhanka kale waxa wasiirku ku baaqay in lagu shukri noqo nimcooyinka ALLE ina siiyey si buu yidhi nimcooyinkaas inoogu siyaadaan ,sababto ah waxa aynu gaadhnay guushii ugu waynayd ee ummadi gaadho .

Ugu dambayntii Waxa wasiirku Hambalyo udirey hablihii ku tartamayey Tartanka Qur’aanka Kariimka ,waalidiintii kusoo tabcay iyo Macalimiintii wax soo barayba.

Qaran News