Markabkii ugu horeeyay oo shixnad gargaar geeyay xeebta Marinka Qasa

[Deeq A.]

Markabkii ugu horeeyay oo sida shixnad gargaar bini’aadnimo ayaa gaaray xeebta Qasa.

Markab laga leeyahay dalka Spain oo lagu magacaabo Open Arms ayaa Talaadadii ka dhoofay Qubrus isagoo sida 200 oo tan oo cunto ah oo si aad ah looga baahan yahay Qasa, taasoo Qaramada Midoobay ay sheegtay in ay qarka u saaran tahay macaluul.

Muuqaalada la soo dhigay internet-ka ayaa muujinaya wiish ka soo guuraya raashinka saaran markabka isla markaana ku daabulaya gaari xamuul ah oo ku sugaya xeebta.

Waxay astaan u tahay bilawga tijaabada lagu eegayo in maraakiibta baddu ay waxtar leeyihiin, ka dib markii la ogaaday in dhulka iyo cirku ay adag yihiin.

Hay’adda World Central Kitchen (WCK) oo iyadu keentay raashinka, ayaa fulisay howshan iyadoo kaashanaysa Imaaraadka Carabta (UAE), si ay u gaarsiiso shixnad ka kooban bariis, bur, digir, khudaar qasacadaysan iyo borotiinno qasacadaysan.

PUNTLAND POST

The post Markabkii ugu horeeyay oo shixnad gargaar geeyay xeebta Marinka Qasa appeared first on Puntland Post.