Xasan Dahir [Ninka mooday in kooffiyadiisa ay diin ku hoos jirto]-

[General Duke]

Xassan Daahir Aways oo ku baaqay dagaalo dheeraad ah

 

September 1, 20100 comments|

Guddomiyaha kooxda Xisbul Islaam Xassan Daahir Aweys oo shir jaraa’iid ku qabtay magaalada Muqdisho ayaa ku baaqay in lasii wado “..Xabada..”, asagoo ugu baaqay dowlada Federaalka Soomaaliya inay xilka ka degto.

 

Wuxuu hadalkan kasoo baxay Xassan Daahir Aweys uu jawaab u ahaa baaq u horey usoo saaray Madaxweynaha Dowlada Federaalka oo uu kaga hadlayey dagaalada kasii socda Muqdisho, isla markaana uu beesha caalamka taageero dheeraad ah kaga codsaday sidii dalka Somaaliya looga qaban lahaa kooxaha hubeysan ee amniga caqabada ku ah.

 

Aweys ayaa ku baaqay in Dowlada ay xilka ka degto oo ay ummada dhibka ka daayaan, waa siduu hadalka u dhigayee.

 

Wuxuu sidoo kale hogaamiyahan Xisbulislaam ku baaqay in ciidamada AMISOM ay isaga baxaan dalka Soomaaliya. Wuxuuna ku hanjabay in ay dhibaato u geysan doonaan ciidamada AMISOM hadaysan ka bixin Muqdisho.

 

Wuxu sheegay Aweys in taageerada ay Caalamka siinayaan Dowlada Federaalka ay joojiyaan, asagoo ku tilmaamay taageeradaasi lugooyo ummada Soomaliya lid ku ah.

 

“….Xabada si sharci ah bay ku socotaa….” ayuu yiri Aweys asagoo ka hadlaya dagaalada Muqdisho, asagoo meesha ka saaray wax wadahadal ah oo ay la galaan dowlada.

 

“… Mujaahidiinta waxaan u sheegaynaa in dagaalka uu wax yar ka dhiman yahay oo ay u adkeystaan waxaana ku baaqayaa inay sii xoojiyaan dagaalka….” ayuu yiri Xassan Daahir Aweys oo ku baaqay in dagaalo dheeraad ah lala beegsado Dowlada Soomaaliya.

 

Horseed Media

[General Duke]

“….Xabada si sharci ah bay ku socotaa….” ayuu yiri Aweys asagoo ka hadlaya dagaalada Muqdisho, asagoo meesha ka saaray wax wadahadal ah oo ay la galaan dowlada.