Maraykanka oo ku dhawaaqay in uu xeebta Gaza ka dhisi doono marin lagu gudbiyo sahayda Gargaarka

[Deeq A.]

Madaxweynaha Maraykanka Joe Biden ayaa ku dhawaaqay in Maraykanku uu xeebta Gaza ka dhisi doono marin ku meel gaar ah si sahayda gargaarka bini’aadanimo loogu oggolaato in ay si nabad ah u gaaraan rayidka ku go’doonsan Gaza.

Biden ayaa sheegay in Israa’iil ay qasab ku tahay in ay u ogolaato Gaza in la gaarsiiyo gargaar dheeraad ah ,isagoo intaa raaciyay in la hubiyo badqabka shaqaalaha hey’adaha oo aan lagu qaban ama lagu sameyn faragalin ama dagaal.

Madaxweyne Biden ayaa sidoo kale Israa’iil u sheegay in mudnaanta la siiyo ilaalinta iyo badbaadinta nolosha dadka rayidka ah ee aan wax galabsan ee ku go’doonsan Gaza.

Ugu yaraan 30,800 falastiiniyiin ah ayaa la dilay, 72,198 kalena waxaa lagu dhaawacay weerarrada Israa’iil ee Gaza tan iyo 7 Oktoobar 2023 waxaana halkaasi ka taagan musiibo bini’aadanimo.

PUNTLAND POST

The post Maraykanka oo ku dhawaaqay in uu xeebta Gaza ka dhisi doono marin lagu gudbiyo sahayda Gargaarka appeared first on Puntland Post.