Daawo: Odayaasha Hawiye oo ku dhawaaqay go’aan culus oo Farmaajo ka dhan ah

[Deeq A.]

Muqdisho (Caasimada Online) – Kulan looga soo horjeedo dhaqdhaqaaqa siyaasadeed ee dalka uu ka bilaabay madaxweynihii hore Maxamed Cabdullahi Farmaajo ayaa maanta lagu qabtay magaalada Muqdisho.

Odayaasha dhaqanka beelaha Mogadishu Clan oo kulankaan isugu yimid ayaa ku goodiyey in Farmaajo aysan ka ogolaa karin in mar dambe uu siyaasad ku dulmiyo dadkooda.

Odayaasha ayaa ugu horeyn farriin u diray Xildhibaan Shariif Sheekh Axmed oo saaxiib la ah Farmaajo, waxayna si cad ugu sheegeen inay Farmaajo u yaqaanaan dambiile.

Guddoomiyihii hore ee baarlamaanka HirShabeelle Sheekh Cismaan Barre ayaa soo abaabulay kulanka ay maanta odayaasha Mogadishu Clan uga mudaharaadeen dhaqdhaqaaqa siyaasadeed ee Farmaajo uu dib uga bilaabay Muqdisho.

Odayaasha oo dib u xusuustay gaboodfaladii awooda dowladda lagu geystay intii Farmaajo uu joogay xukunka ayaa soo tiriyey waxyaabihii dhacay oo dilal iyo awoodo siyaasadeed ay ku jiraan.

“Waxaa nahay odayaashii shacabkaan, dhibkii Xamar ka dhacay Farmaajo waa ogtahay, dadkaan naga leysay waa xusuusataa, qaraxyadii dadkeena nagu leyn jiray, maanta Ilaahey waa nooga raayey, ma kaa aqbaleyno inaad fidno la soo dhex fariisato dadkeena,” ayuu yiri mid ka mid ah odayaashii hadlay.

Oday kale ayaa dowladda ugu baaqay inay ka qariso wajiga Farmaajo, iyagoo ku goodiyey in hadii ay mar dambe arkaan isagoo masiir Soomaaliyeed ka hadlaya ay uga hor-tegi doonaa xoog iyo xeelad intaba.

Guddoomiyihii hore ee baarlamaanka HirShabeelle Sheekh Cismaan Barre ayaa gabagabadii kulankaas ka hadlay, isagoo sheegay in Farmaajo uu dalka u yimid inuu olole u galo doorashada dalka oo in ka badan labo sano ay ka dhiman tahay.

“Farmaajo cid dambe oo cod ku siineysa ma jirto, markii laga reebo dad qalatada uu soo uruursaday, Farmaajo uma maleynaayo in mar dambe aad Villa Somalia soo fariisa doonto si dalkaan aad u xukunto,” ayuu yiri Sheekh Cismaan Barre.

Hoos ka daawo

The post Daawo: Odayaasha Mogadishu Clan oo ku dhawaaqay go’aan culus oo Farmaajo ka dhan ah appeared first on Caasimada Online.