Booliska Puntland oo gacanta ku dhigay qalab argagixisada loo waday iyo shakhsiyaadkii waday

[Deeq A.]

Taliska Ciidanka Booliska Puntland ayaa shaaciyay in ay kantaroolka galbeed ee Garoowe ku qabteen qalab loo waday kooxaha argagixisada ah iyo dadkii waday.

“Ciidanka Booliska Puntland gaar ahaan Qeybta Gobolka Nugaal ayaa Koontaroolka Galbeed ee caasimadda Garoowe ku qabtay qalab loo waday Kooxaha argagixisada iyo dadkii wadday”.

“Ciidanka ayaa gacanta ku dhigay qalabka iyo dadkii la socday kuwa oo tiradoodo 5 qof, 4 rag iyo hal haween ah kuwaa oo Hay’adaha amniga la socdeen” ayaa lagu yiri qoraal ka soo baxay Taliska Booliska Puntland.

Shakhsiyaadka lagu qabtay arrintaasi ayay Boolisku magacyadooda ku sheegeen:

1. Faisa Cali Maxamed
2. Cabdi Axmed Cusmaan.
3. Haaddi Cumar Cilmi
4. Cabdi Maxamuud Cali
5. Saalax Cabdulqaadit Mahad

Qalabka ay leeyihiin Argagixisada Al-shabaab ayaa kala ah;

1.  Gacamo kuwa loo isticmaalo GPS MAP.

2. Qalbkaa Caafimaad oo dhamaystiran (A leukocyte alkaline phosphatase (LAP) – Laboratory.

3. Biisooyin Kaashwito

4.  Kabo balistig ah.

5. Envactar kuwa solar loo isticmalo (Inverter solar energy system).

6. Hal Mobile kuwa qarxa lagu kiciyo (An improvised explosive device (IED) Cell Phone)

Laanta Dembi-baarista ee Qeybta Booliska Gobolka Nugaal ayaa xaqiijiyey in dadka la qabtay iyo qalabka ay wadeen ay ku socdeen Buuraha Gobolka Bari, kuwaa oo laga keenay Koonfurta dalka Soomaaliya.

Booliska Qeybta Gobolka Nugaal ayaa eedaysanayaasha iyo qalabka lagu qabtay la horgayn doonaa Laamaha Garsoorka.

Booliska ayaa fariin adag u diraya dhammaan dadka ku hawlan falalka amniga lidka ku ah in tilaabo sharci ah laga qaadi doono, waxaana shacabka Puntland ugu baaqeynaa inay la shaqeeyaan Laamaha amniga si kooxaha Argagixisada ah tilaabo sharci ah looga qaado.

Halkan ka eeg Sawirada Boolisku shaaciyay

PUNTLAND POST

The post Booliska Puntland oo gacanta ku dhigay qalab argagixisada loo waday iyo shakhsiyaadkii waday appeared first on Puntland Post.