Sirdoonka Ruushka oo soo bandhigay wada-hadal sir ah oo dhexmaray Saraakiisha Jarmalka

[Deeq A.]

Sirdoonka Ruushka ayaa soo bandhigay wada-hadal xubno ka tirsan saraakiisha sare ee militariga Jarmalka.

Wada-hadalka ayaa muujinaya Saraakiisha Jarmalka oo xilligaasi ka hadlayay surtagalnimada uu Jarmalka ku siinayo Ukrain gantaalka riddada dheer ee Taurus iyo howlgal sir ah oo lagu burburiyay bundada gacanka Kerch ee isku xirta dhul weynaha Ruushka iyo gobolka uu Ruushka ka qabsaday Ukrain ee Crimea.

Markiiba arrintan waxay ku noqotay fadeexad gilgisha militariga Jarmalka , iyadoo goor dhow uu ku dhawaaqay hoggaamiyaha Jarmalka, Olaf Scholz in baaritaan deg deg ah lagu sameeyo sida loo dhex-galay wada-hadalka saraakiisha.

Dhowaan , muddo dheer oo uu Ruushka sheegayay kaddib , wargeyska The New York Times ayaa soo bandhigtay xogta la xiriirta saldhigyada sirta ah ee CIA-da ay ku lahayd Ukrain, si loo basaaso Ruushka , waxaana markaa la tababarayay laamaha ammaanka iyo Hay’adda sirdoonka Ukrain, si ay xog uga keenan dhaqdhaqaaqyada Ruushka.

PUNTLAND POST

The post Sirdoonka Ruushka oo soo bandhigay wada-hadal sir ah oo dhexmaray Saraakiisha Jarmalka appeared first on Puntland Post.