Marxuum Cabdinaasir Dahable oo dhawaan si xun loogu dilay Muqdisho oo saaka maydkiisa la keenayaa Hargeysa.

[Deeq A.]

Alle u naxariistee waxaa maanta magaalada Muqdisho diyaarad lagaga soo qaaday maydka agaasimihii waaxda diyaaradaha ee hey’adda duulimaadka rayidka Soomaaliya Cabdinaasir Muuse Dahable oo 18-ka bishan si xun loogu dilay Muqdisho gurigii oo ku yaala Waaxda Janaraal Daa’uud, gaar ahaan Xaafadda Ceel Qalow.

Marxuumka ayaa la filayaa in goor dhaw laga soo dejiyo magaalada Hargeysa ee caasimada dalka Somaliland, halkaas oo ay dagan yihiin ehelladiisa, si loogu aaso.

Xukuumadda Somaliland ayaa ay wararku sheegayaan in baadhitaan ku samayn doonta maydka Marxuum Cabdinaasir Muuse Dahable, ka hor inta aan la aasin.

Source