Golaha Ammaanka Qaramada Midoobey oo Kulan gaar ah ka yeelanaya Xaaladda Soomaaliya

[Deeq A.]

Golaha Ammaanka Qaramada Midoobey ayaa Isniinta berri ah Kulan gaar ah ka yeelanaya Xaaladda Siyaasadeed iyo tan Amni ee Soomaaliya.

Qoraal kooban oo ka soo baxay Xafiiska Qaramada Midoobey u qaabilsan Soomaaliya ee UNSOM ayaa lagu xaqiijiyay Kulankaasi Golaha Ammaanka ee Xaaladda Soomaaliya.

Qoraalka uu soo saaray Xafiiska UNSOM ayaa lagu sheegay in Kulanka Golaha Ammaanka Qaramada Midoobey ee Xaaladda Soomaaliya uu qabsoomi doono Maalinta Isniinta ah ee 19 Feb.

“Golaha Ammaanka ee Qaramada Midoobay ayaa kulan ka yeelanaya xaaladda Soomaaliya 6:00 galabnimo waqtiga Muqdisho maalinta Isniinta oo ku beegan 19-ka Febraayo” ayaa lagu yiri Qoraalka.

Kulanka waxa sidoo kale warbixin ku saabsan Xaaladda Soomaaliya ka jeedin doonta Wakiilka gaarka ee Qaramada Midoobey u qaabilsan Soomaaliya marwo Catriona Laing.

PUNTLAND POST

The post Golaha Ammaanka Qaramada Midoobey oo Kulan gaar ah ka yeelanaya Xaaladda Soomaaliya appeared first on Puntland Post.