Dabley hubaysan oo nin ganacsade ah saaka ku dilay magaalada Gaalkacyo

[Deeq A.]

Wararka ka imaanaya magaalada Gaalkacyo ee xarunta gobolka Mudug ayaa sheegaya in saaka halkaasi lagu dilay nin ganacsade ah.

Dabley hubaysan oo aan weli haybtooda la aqoonsan ayaa waqooyiga Gaalkacyo ku dilay marxuum Axmed Tahliil oo kamid ahaa ganacsatada degaanka.

Kooxda hubaysan ayaa ganacsade Axmed Tahliil ku dhex dilay goobtiisa ganacsi oo ku taalla halka loo yaqaan Jiiro Cabdullaahi Yuusuf.

Kooxda dilka fulisay oo sida la sheegayo gaari watay ayaa markiiba goobta isaga cararay islamarkaana ma jirto cid ilaa iyo hadda loo qabtay dilkaasi.

PUNTLAND POST

The post Dabley hubaysan oo nin ganacsade ah saaka ku dilay magaalada Gaalkacyo appeared first on Puntland Post.