Xog: Madaxweyne Deni oo xukuumaddiisa cusub ku soo daraya mas’uul ka soo jeeda Koonfur Galbeed

[Deeq A.]

Madaxweynaha Puntland Siciid Deni ayaa markii u horraysay golihiisa xukuumaddiisa ku soo daraya mas’uul ka soo jeeda degaannada Koonfur Galbeed.

Warar lagu kalsoon yahay ayaa xaqiijinaya in madaxweyne Deni uu hal wasiiru-dowle u magacaabayo dadka ka soo jeeda degaannada Koonfur Galbeed Soomaaliya.

Weli ma cadda shakhsiga loo magacaabayo xilkan balse keliya waxa la xaqiijiyay in uu wasiiru-dowle siinayo dadka reer Koonfur Galbeed ee ku dhaqan Puntland.

Xogtan ayaa si cad u muujinaysa xaqiiqada warka ku saabsan in Siciid Deni uu yahay musharrax mar kale u tartamaya xilka madaxweynaha Soomaaliya oo uu laba jeer oo hore ku dhacay.

Waxa la rumaysan yahay in uu magacaabistan u samaynayo si uu codad uga helo xildhibaannada Koonfur Galbeed laga soo dooran doono doorashada 2026.

PUNTLAND POST

The post Xog: Madaxweyne Deni oo xukuumaddiisa cusub ku soo daraya mas’uul ka soo jeeda Koonfur Galbeed appeared first on Puntland Post.