Aqoonyahanno ka soo Jeeda Somaliland iyo Itoobiya oo Taageeray isfahamka labada dal

[Deeq A.]

Aqoonyahanno ka soo Jeeda Somaliland iyo Itoobiya oo Taageeray isfahamka labada dal

Hargeysa(Qaran news)-Aqoon-yahanno ka kala socda Somaliland iyo Itoobiya oo u warramay wakaaladda wararka Itoobiya ee ENA ayaa hoosta ka xarriiqay in heshiiska is-afgarad ee ay kala saxeexdeen Itoobiya iyo Somaliland uu kor u qaadayo is-dhex galka gobolka iyo horumarka labada dhinacba.

Ubax Aadan oo ah Guddoomiyaha Jaamacadda Diri dhaba ayaa ku tilmaantay dadaallada ay itoobiya ugu jirto inay hesho marin badeed mid wakhtigan ku habboon isla markaana la jaan qaadaya xeerarka caalamiga ah iyo qawaaniinta diblomaasiyadda ee wax is-dhaafsiga.

Waxa ay ku nuuxnuuxsatay in heshiiska Itoobiya yahay mid keeni kara horumar iyo faa’ido laba geesood ah, iyo xasillooni ay hesho manadaqadda geeska afrika, iyada oo geesta kale ku boorrisay dalalka jaarka inay garwaaqsadaan faa’idooyinka dhinacyada badan leh ee heshiiska tusaalena u noqdaan dhaqan-galkiisa.

Cabdiraxmaan maxamed oo cilmi baadhr ka ah machadka nabadda iyo xallinta khilafaadka ee jaamacadda Hargeisa ayaa isna dhankiisa iftiimiyay muhiimadda ballaadhan ee dhaqaalaha Itoobiya iyo dadkeeda badani u leeyihiin guud ahaan gobolka iyo sidoo kale dadaallada ay Itoobiya ugu jirto kor u qaadidda amniga mandaqadda iyo in guud ahaan dalalka mandaqaddu si isku mid ah ugu tallaabsadaan horumar waara.

Cabdiraxmaan ayaa sidoo kale hoosta ka xarriiqay in heshiiska is-afgarad ee Itoobiya iyo Somaliland uu labada dhinacba u danaynayo isaga oo Itoobiya gaadhsiinaya daneheeda geesta kalena Somaliland u saamaxaya in ay hesho aqoonsi iyo sidoo kale inay ballaadhiso fursadaha maalgalineed iyo kuwa shaqo.

Qaran News