Ciidamo ka gadoodan mushaar la’aan oo xirtay jidka Airpor-ka Boosaaso

[Deeq A.]

Ciidamo ka gadoodsan mushaar la’aan ayaa maanta xirtay jidka garoonka diyaaradaha magaalada Boosaaso ee xarunta gobolka Bari.

Ciidankan oo markii hore lagu soo tababaray dalka Eriteriya ayaa gebi ahaanba joojiyay isu socodka gaadiidka garoonka diyaaradaha iyo magaalada Boosaaso.

Ciidanka gadoodsan oo degganaa xero u dhow garoonka diyaaradaha Boosaaso ayaa lagu soo warramayaa in aysan in mudda ah wax mushaar iyo xuquuq ah ka qaadan dowladda.

Askar ka tirsan ciidankan ayaa shalay baraha bulshada ku faafiyay muuqaal ay kaga cabanayaan mushaar la’aanta waxaase markii danbe la kulmay mas’uuliyiin ka tirsan dowladda.

Saraakiil hoggaaminaysa ciidanka gadoodsan ayaa noo sheegay in mas’uuliyiintii shalay la kulmay been u sheegeen kadib markii ay ku wargeliyeen in mushaarkii soo dhacayo Arbacada maanta ah.

PUNTLAND POST

The post Ciidamo ka gadoodan mushaar la’aan oo xirtay jidka Airpor-ka Boosaaso appeared first on Puntland Post.