Hay’adda Sirdoonka Somaliland oo Baaq Culus u Jeedisay Muwaadiniinta

[Deeq A.]

Hay’adda Sirdoonka Somaliland oo Baaq Culus u Jeedisay Muwaadiniinta

Hargeysa(Qaran news)-Hay’adda sirdoonka Qaranka Somaliland ee NIA, ayaa soo saartay wargelin ay bulshada kaga codsatay in dadka colaad hurinta wada iyo falalka kale ee ka dhanka ah Somaliland ay u gudbiyaan dalalka ay ku nool yihiin iyo Hay’adda sirdoonka Somaliland.
Hay’adda sirdoonku waxay sidaas ku sheegtay qoraal ay ku baahisay X (Twitterka). Taasi oo u qornayd sidan:-
“Waxaannu u soo jeedinaynaa dadka reer Somaliland ee ku nool qurbaha iyo gudaha dalka inay soo sheegaan xaaladaha colaadeed, nacayb iyo hurin nabadgelyo-darro ee ka dhan ah Jamhuuriyadda Somaliland ama beesha caalamka, isla markaana la socodsiiyaan hay’adaha ay khusayso ee dal kasta iyo sidoo kale Hay’adda Sirdoonka Qaranka Somaliland ee NIA.”

Qaran News