Khuburrada Wasaaradda Beeraha JSL & Ururka Ardayda Jaamacadaha Ee Kuliyadda Beeraha Kulan Yeeshay

[Deeq A.]

Khuburrada Wasaaradda Beeraha JSL & Ururka Ardayda Jaamacadaha Ee Kuliyadda Beeraha Kulan Yeeshay

Hargeysa (Qaran news) – Wasaaradda Horumarinta Beeraha JSL, ayaa kulan u qabatay dhallinyarada Jaamacadaha ee bartay Kuliyadda Beeraha, kuwaasi oo ku midaysan ururka CARRO-SOOR.

Ururkan oo ay wada-shaqayn leeyihiin Wasaaradda Beeraha, ayaa Wasaaradda wada yeeshay kulan aqoon iswaydaarsi ah.

Aqoon iswaydaarsiga, ayaa waxa Wasaaradda uga qayb-galay khuburrada Waaxda Badbaadada Beeraha, waxaana diiradda lagu saaray xanuunadda inta badan ku dhaca wax soo saarka Beeraha gaar ahaan kuwa muddooyinkii ugu dambeeyey aafeeyey dalagyadda kala duwan ee wax soo saarka dalka.

Ugu dambayn, kulankaas ayaa waxa uu ku soo dhamaaday in la wada-shaqeeyo, la isna waydaarsado Tababbarrada la dagaalanka Cayayaanka Beeraha, aqoontaana loogu gudbin lahaa Beeralayda.

Qaran News