Boosaaso: Booyadii biyaha u dhaamin jirtay Ciidanka PMPF oo qarax lagu burburiyay

[Deeq A.]

Wararka ka imaanaya magaalada Boosaaso ayaa sheegaya in qarax lagu burburiyay booyadii biyaha u dhaamin jirtay ciidamada PMPF.

Qaraxa oo ahaa miino dhulka lagu aasay ayaa gebi ahaanba burburiyay booyadda sida ay noo sheegeen goobjoogayaal ku sugan Boosaaso.

Waa qaraxii labaad oo mudda 24 saac ah ka dhacay Boosaaso iyadoo uu shalay halkaasi ka dhacay qarax khasaare xooggan sababay.

Ilaa saddex ruux ayaa ku dhintay qaraxii shalay oo ka dhacay meherad lagu qayilo halka ay ku dhaawacmeen ku dhawaad 10 qof oo kale

Labadii todobaad ee u danbaysay waxa Boosaaso ka socday qaraxyo lagu beegsanayo xarumaha ganacsiga iyo meherada la isugu yimaado kuwaas oo khasaare  kala duwan sababay.

PUNTLAND POST

The post Boosaaso: Booyadii biyaha u dhaamin jirtay Ciidanka PMPF oo qarax lagu burburiyay appeared first on Puntland Post.