Xasan oo ka maquurtay inuu kasoo ag muuqdo Abiy iyo fal-celin xooggan oo ka dhalatay

[Deeq A.]

Kampala (Caasimada Online) – Madaxweyne Xasan Sheekh ayaa ka baaqsaday inuu galo sawirka loo dhan yahay (Photo Group) ee shir-madaxeedka 19-aad ee dalalka dhex-dhexaadka ah oo maanta ka dhacay Kampala.

Madaxweynaha oo ka qeyb-galay shir-madaxeedkaasi ayaa balse kasoo muuqan sawirka loo dhan yahay ee shirka, kaasi oo sidoo kale uu ka qeyb-galay ra’iisul wasaaraha Itoobiya Abiy Axmed Cali.

Waxaa sawirkaas kasoo dhex muuqday Ra’iisul Wasaare Ku-xigeenka Soomaaliya Saalax Jaamac, kadib markii madaxweynaha uu ka maquurtay inuu kasoo ag muuqdo Abiy, xilli ay meel xasaasi ah mareyso xiisadda badda.

Abiy oo diiday ka qeyb-galka shirkii looga hadlayay damaciisa ku wajahan badda Soomaaliya, kuna marmarsiyooday inay jiraan balamo kale oo uga muhiimsan shirkaasi ayaa gaaray Kampala si uu maanta uga qeyb-galo shirkaan.

Haddaba, Sidee looga fal-celiyay arrintaan?

Bashiir Macallim Cabdi: “Igu sawir (waa la heshiiyey udhigmeysa) waa diidnay.”

Liibaan Cali: “Shir aad fadhiday ee ka qeyb-gashay in sawirrada aad ka baaqato micna weyn kuma jiro. In shirka aad ka biyl diiddo aadan xaadirin iyo in wax xaadirto mid waaye. Abiy shalay isagoo Uganda ku sugan ayuusan shirka dhanba ka qeyb-gelin kii maanta ayuu is xaadiriye.!”

“Madaxweyne Dr Xasan Sheekh Dalxureeye wuxuu yaqaana awooda diplomasiyada sida loo isticmaalo Allah hano xifdiyo hoggaamiyaheena,” ayuu yiri Cabdinaasir Garweyne Cali.

Nuur Xasan Maxamed ayaa sidoo kale waxa uu yiri “Sawir la diido kaliya kuma filno qadiyadda gadood muujinta. Mudane madaxweyne waa inaad qaada talaaboyin dhuun qabad ku’ah Ethiopia.”

Isaaq Caato: “Mar haddii Ra’iisul Wasaare ku-xigeenka sawirka ka muuqdo diidmada Madaxweynaha waxba ma ahna.”

“Sawir laga baaqsado micno keeni maysee dowlada Soomaaliyeed ficilo Diblumaasiyadeed ayaa laga rabaa,” ayuu yiri Cabdullaahi Maxamed Yuusuf.

Cabdiraxmaan Mukhtaar Caddow: “Ra’iisul-wasaare ku-xigeenku ayuu metalayaa marka?.”

The post Xasan oo ka maquurtay inuu kasoo ag muuqdo Abiy iyo fal-celin xooggan oo ka dhalatay appeared first on Caasimada Online.