DEG DEG: Horjoogayaal iyo Shabaab kale oo duqeyn culus lagula beegsaday…

[Deeq A.]

Jowhar (Caasimada Online) – Howl-gal qorsheysan oo dhanka cirka ah ayaa goordhoweyd lagu beegsaday horjoogayaal ka tirsan kooxda Al-Shabaab iyo sidoo kale dagaal-yahaano kale.

Howl-galkaan ayaa ka dhacay deegaanka Fiidow oo hoos taga degmada Mahadaay ee gobolka Shabeellaha Shexe.

Wararka ayaa sheegaya in howl-galkan ay fuliyeen diyaaradaha aan duuliyaha laheyn ee Drones-ka, ayna iska kaashadeen Ciidanka Qaranka Soomaaliya iyo Saaxiibada Caalamka

Si rasmi ah weli looma shaacin horjoogayaashada la beegsaday iyo waxa kasoo gaaray howl-galkan dhanka cirka ah, inkasta oo ay soo baxayaan warar sheegaya in kooxda lagu gaarsiiyay khasaare xooggan.

Waa tallaabo kale oo dowladda federaalka Soomaaliya oo kaashaneysa Saaxiibada Caalamiga ay qaadeen oo qeyb ka ah dhabar-jabinta Al-Shabaab ee khatarta ku ah nabadda iyo horumarka shacabka Soomaaliyeed iyo kuwa gobolka intaba.

Dowladda federaalka Soomaaliya oo taageero ka helaysa dadkeeda iyo saaxiibada caalamiga ah ayaa horey u sheegtay inay ka go’an tahay “xididda siibka horjoogayaasha iyo maleeshiyaadka Al-Shabaab” si loo gaaro Soomaaliya nabad ah oo xasiloon , lagana suuliyay argagixisada.

The post DEG DEG: Horjoogayaal iyo Shabaab kale oo duqeyn culus lagula beegsaday… appeared first on Caasimada Online.