Cabtooy hubaysan oo dad ku laayay degmada Galdogob ee Gobolka Mudug

[Deeq A.]

Faahfaahin dheeri ah ayaa ka soo baxaysa khasaaraha ka dhashay weerar xalay cabtooy hubaysan ka geysteen degmada Galdogob ee Gobolka Mudug.

Cabtooyda hubaysan oo khamri ka keenay gudaha Itoobiya islamarkaana u socday dhinaca Galdogob ayaa markii hore hal askari ku dilay kastamka Tuurdibi qaybtiisa Itoobiya.

Kooxda khamriga sidsay oo xoog ku maray kastamka Tuurdibi ayaa markii ay galeen gudaha degmada Galdogob waxay halkaasi ku dileen saddex nin oo ay ku jiraan wiil iyo aabbihiis sida laga soo xigtay goob-joogayaal.

Mid kamid ah kooxdii khamriga sidday ayaa sidoo kale lagu dilay gudaha degmada Galdogob taasi oo khasaaraha dhimashada ee dhacdadaasi ka dhigaysa 5 ruux sida ay sheegayaan wararka laga helayo degaanka.

Dhacdada ayaa ku soo beegantay xilli ay dhawaan mushaar la’aan u gadoodeen ciidamadii Puntland ee ilaalin jiray Kastamka Tuurdibi kadibna soo banneeyeen.

PUNTLAND POST

The post Cabtooy hubaysan oo dad ku laayay degmada Galdogob ee Gobolka Mudug appeared first on Puntland Post.