Dowladda Soomaaliya oo Hawada ka celisay Wefdi Itoobiyaan ah oo u socday Hargeysa

[Deeq A.]

Dowladda Soomaaliya ayaa saacado ka hor ka celisay hawada diyaarad la fahansanyahay inay siday saraakiil sare oo ka socday dawladda Itoobiya oo qorsheynaysay inay ku degto garoonka diyaaradaha Hargeysa.

Duulimaadka la celiyay Ethiopian Airlines ee ETH8372 , ayaa sidatay astaanta (VVIP) , waana duulimaad la adeegsado marka uu ku safrayo qofka ugu sarreeya dalka, mase cadde haddii diyaaradda uu la socday Ra’iisul wasaare Abiy.

tuhunkan waxaa kalo sare u qaadaya inay xalay gaareen Hargeysa ciidanka gaar ah ee ilaalada Ra’iisul wasaaraha iyo saraakiisha sare ee Itoobiya.

Soomaaliya waxaa kalo ay saacado kooban hakisay dhammaan duulimaayada ka imaanayay Itoobiya , wallow markii dambe la fasaxay diyaarad siday rakab rayid ah oo ku degtay Hargeysa.

PUNTLAND POST

The post Dowladda Soomaaliya oo Hawada ka celisay Wefdi Itoobiyaan ah oo u socday Hargeysa appeared first on Puntland Post.