Khasaaraha ka dhashay Qarax xooggan oo ka dhacay magaalada Muqdisho

[Deeq A.]

Qarax khasaare gaystay ayaa barqanimadii maanta waxa uu ka dhacay xarun mashquul badneyd oo ku taalla degmada Xamarweyne ee gobolka Banaadir.

Booliska Soomaaliya ayaa sheegay in qaraxa ay ku dhinteen saddex qof, laba qof oo kalena ay ku dhaawacmeen. Goobjoogeyaal ayaa sheegaya in khasaaraha uu intaas ka badan yahay.

Meesha qaraxa uu ka dhacay oo u dhow xarrunta gobolka Banaadir, ayay goob joogayaal sheegayaan in uu ahaa mid xooggan oo dadka qalqal geliyay. Waxaa qaraxa fuliyey qof is-miidaamiyey.

Maleeshiyaadka Al-shabaab ayaa sheegtay mas’uuliyadda Qaraxa waxaana ay ku tilmaameen mid lagu beegsaday saraakiil ka tirsan Nabad Sugidda Soomaaliya.

PUNTLAND POST

The post Khasaaraha ka dhashay Qarax xooggan oo ka dhacay magaalada Muqdisho appeared first on Puntland Post.