Ra’iisul wasaare Xamsa oo xafiiskiisa ku qaabilay Safiirka Imaaraadka u fadhiya Soomaaliya

[Deeq A.]

Ra’iisul Wasaaraha Xukuumadda Federaalka Soomaaliya, Mudane  Xamsa Cabdi Barre ayaa maanta xafiiskiisa ku qaabilay Safiirka dowladda Imaaraatiga Carbeed u qaabilsan Soomaaliya.

Qoraal kooban oo ka soo baxay xafiiska Ra’iisul wasaare Xamsa Cabdi Barre ayaa lagu sheegay in uu xafiiskiisa ku qaabilay Safiirka dowladda Imaaraatiga u fadhiya Soomaaliya mudane Axmed Juma Al Rumaithi.

“Ra’iisul Wasaaraha Xukuumadda Jamhuuriyadda Federaalka Soomaaliya, Mudane  Xamsa Cabdi Barre, ayaa maanta xafiiskiisa ku qaabiley Danjiraha Dowladda Isku-tagga Imaaraadka Carabta u fadhiya Soomaaliya, Axmed Juma Al Rumaithi” ayaa lagu yiri Qoraalka.

Xafiiska Ra’iisul wasaare Xamsa ayaa sidoo kale sheegay in labada mas’uul ay ka wada hadleen xoojinta xiriirka iyo iskaashiga ka dhaxeeya labada dal ee Soomaaliya iyo Isutagga Imaaraadka Carabta.

PUNTLAND POST

The post Ra’iisul wasaare Xamsa oo xafiiskiisa ku qaabilay Safiirka Imaaraadka u fadhiya Soomaaliya appeared first on Puntland Post.