Dagaal xooggan oo ka dhacay bariga Laascaanood iyo khasaarihii ka dhashay

[Deeq A.]

Ugu yaraan 8 ruux ayaa ku geeriyooday in ka badan 10 kalena waa ku dhaawacmeen dagaal xooggan oo saaka ka dhacay inta u dhexaysa Laascaanood iyo Gambadhe.

Dagaalka oo dhexmaray laba ciidan oo hore gurmad ugu tegay SSC-khaatumo ayaa la sheegay in murankiisu uu ka dhashay gaari ciidan oo Somaliland lagaga qabsaday dagaalkii Gooja-cadde.

Wararka ayaa sheegaya in dagaalkaasi ka dhacay nawaaxiga Maraaga kadib markii ciidamo ka soo baxay Guumays oo watay gaariga Somaliland laga furtay ay jid-gooyo u dhigteen ciidamo kale taasi oo isku dhaca sababtay.

Dagaalka ayaa saacad ka hor joogsaday waxaana ciidamadii ka yimid Guumays u soo gudbeen dhinaca Gambadhe oo ay hadda ku sugan yihiin sida ay noo sheegeen goob-joogayaal.

PUNTLAND POST

The post Dagaal xooggan oo ka dhacay bariga Laascaanood iyo khasaarihii ka dhashay appeared first on Puntland Post.