Wararkii u danbeeyay ee Doorashada Guddoonka Baarlamanka Puntland

[Deeq A.]

Ololaha Doorashada Guddoonka Baarlamanka ayaa si weyn uga socda magaalada Garoowe ee Caasimadda Puntland.

Doorashada Guddoonka Golaha Wakiilada Puntland ayaa loo asteeyay in ay qabsoonto Khamiista berri ah oo ku beegan 4 Jan 2024.

Ilaa iyo hadda Saddex Musharrax ayaa si adag ugu loollamaya Doorashada Guddoonka Golaha Baarlamanka kuwaas oo saacadihii u danbeeyay uu xoogaystay Ololahooda.

Saddexda Musharrax ee u tartamaya Guddoonka Golaha Wakiilada Puntland ayaa kala ah; Cabdirisaaq Axmed Siciid, Cabdirashiid Yuusuf Jibriil iyo Mursal Maxamuud Cabdi.

Musharrax Cabdirashiid Yuusuf Jibriil waxa uu afartii sano ee u danbaysay  hoggaaminayay Baarlamankii shanaad ee Puntland ee uu hadda Mudda xileedkoodu dhammaaday.

Musharrax Mursal Maxamuud Cabdi hadda waa Guddoomiye ku xigeenka Dallada ay ku midaysan yihiin Bulshada Rayidka Puntland ee PUNSAA.

Musharrax Cabdirisaaq Axmed Siciid waa Guddoomiyihii hore ee Guddigii KMG ahaa Doorashooyinka Puntland (TPEC).

PUNTLAND POST

The post Wararkii u danbeeyay ee Doorashada Guddoonka Baarlamanka Puntland appeared first on Puntland Post.