Puntland oo gacanta ku dhigtay qoys Suuriyaan ah oo ku eedaysan in ay dahab dhaceen Muqdisho

[Deeq A.]

Ciidanka Booliska dowladda Puntland ayaa gacanta ku dhigay qoys u dhashay dalka Suuriya oo ku eedaysan in ay dahab ka dhaceen magaalada Muqdisho.

Booliska Gobolka Karkaar oo kaashanaya Waaxda denbi-baarista u qaabilsan Booliska ee C.I.D ayaa gacanta ku dhigay qoyskan oo ku eedaysan in ay dhaceen 940 garaam oo dahab ah.

Magacyada qoyska oo ka kooban 4 xubnood ayaa sida Boolisku sheegay kala; Abdikarin Axmed Almuhamed, Jamiila Qasi Yuusuf, Abdalla Abdikariim Axmed iyo Malay Abdikarim Ahmed.

“Ciidanka Booliska Puntland oo gudanaya
waajibka ka saaran ilaalinta sharuucda Dowladda Puntland ayaa gacanta ku dhigay eedeysanayaal baxsad ah oo u dhashey dalka Suuriya kuwaa oo soo dhacay 940 Garaam oo dahab”.

“Ciidanka Booliska qaybta Gobolka Karkaar iyo CID ayaana ku guulaystay qabashada eedaysanahayaasha Waxaana la horgeyndoona Cadaalada hadii allaah idmo” ayaa lagu yiri qoraal ka soo baxay Booliska.

PUNTLAND POST

The post Puntland oo gacanta ku dhigtay qoys Suuriyaan ah oo ku eedaysan in ay dahab dhaceen Muqdisho appeared first on Puntland Post.