Xamaas oo ka hadashay dadka xerada qaxootiga ee Marinka Qasa lagu laayay

[Deeq A.]

Wasaaradda caafimaadka ee Qasa ee Xamaas ay maamusho ayaa sheegtay in duqeyn ay diyaaradaha Israa’iil ka gaysteen xerada qaxootiga ee Al-Maghazi oo ku taalla badhtamaha Marinka Qasa ay ku dhinteen ugu yaraan 70 qof .

Afhayeen u hadlay wasaaradda caafimaadka Xamaas ayaa sheegay in falkaan lagu dilay toddobaatanka qof uu kordhinayo guudahaan tirada dhimashada ee Qasa.

Milatariga Israa’iil ayaa sheegay in ay eegayaan wararka ku saabsan weerarka dadka badan ku dhinteen.

Tobannaan qof oo ku dhawaacmay duqeynta ayaa loola cararay cisbitaal u dhow xerada Maghazi oo lagu magacaabo Al-Aqsaa.

Sawirro iyo muuqaallo la baahiyay ayaa muujinaya carruur duqeynta dhaawacyo ka soo gaadheen oo dhiig qariyay kuwaas oo dhanka cisbitaalka loola ordayo si loo dabiibo.

Source