Maxakamadda Sare Ee Puntland oo Ka Biyodiiday Go’aankii Kasoo Baxay Isimada SSC Khaatuma

[Deeq A.]

Warsaxaafadeed uu soo saaray guddoomiye ku xigeenka maxkamadda sare Puntland Axmed Sheikh Cumar Xassan ayaa lagu sheegay in go’aanka ay soo gaareen Isimmada SSC- Khaatumo uusan waafaqsanayn habraaca loo marayo kala kala gurista labada maamul ee PLN iyo SSC.

Guddoomiye ku xigeenku ayaa intaas sii raaciyay in maamulka Puntland uu xaq u leeyahay in xildhibaannada lagusoo xulo qaabkii horey loogu soo xuli jiray, isagoo sheegay doorashada ka dib in xal laga gaaridoono go’aanka isimmada SSC-Khaatumo ay soo saareen 17-ka mudane.

Warsaxaafadeedka kasoo baxay guddoomiye ku xigeenka maxkamadda sare Puntland Axmed Sheikh Cumar Xassan ayaa kusoo aadaya xilli maalin ka hor Isimada dhaqanka SSC Khaatumo ay ku dhawaaqeen in 17-ka xildhibaan ee Puntland kasoo gala ay diideen in ay u dirsadaan.

Source: goobjoog.com