Musharrax Cawad oo si weyn loogu soo dhaweeyay magaalada Garoowe

[Deeq A.]

Musharrax Madaxweyne, Axmed Ciise Cawad ayaa maanta lagu soo dhaweeyay magaalada Garoowe.

Musharrax Cawad oo ka soo kicitimay magaalada Nairobi ee xarunta dalka Kenya ayaa si weyn loogu soo dhaweeyay garoonka diyaaradaha iyo barxadda caasimadda Garoowe.

Munaasabadda soo dhawaynta Musharrax Axmed Ciise Cawad waxaa ka qayb-galay siyaasiyiin kala duwan, odayaasha dhaqanka, ganacsatada, ururrada Haweenka, dhalinyarada iyo kumanaan shacab ah.

Mudane Axmed Ciise oo hadal kooban ugu jeediyay barxadda caasimadda Garoowe kumanaan shacab ah aya ka mahadceliyay soo dhawaynta ballaaran ee loo sameeyay.

“Reer Garoowe waa mahadsan tihiin, reer Puntland waa mahadsan tihiin. Dhammaantiin waan idinka mahad-naqaya soo dhaweyntiina ballaaran” ayuu yiri Musharrax Cawad.

Musharrax ayaa sidoo kale ballan-qaaday in uu ka shaqayn doono midnimada iyo wadajirka Puntland islamarkaana uu taabba-gelin doono Amni iyo xasilooni.

Halkan ka daawo Muuqaalka iyo sawirada

PUNTLAND POST

The post Musharrax Cawad oo si weyn loogu soo dhaweeyay magaalada Garoowe appeared first on Puntland Post.