Wakiilka Somaliland ee Jabuuti oo soo dhaweeyay madax ku sugan Jabuuti

[Deeq A.]

Wakiila Somaliland ee dalka Djibouti Ambassador Cabdifatax Siciid Axmed ayaa xafiiska Somaliland ee dalka Jabuuti ku qaabilay madax kala gadisan oo ka mid ah hal doorka Somaliland kuwaasi oo socdaal kooban ku yimid dalka Jabuuti.

Ambassador Cabdifatax Siciid Axmed waxa uu si gaar gaar ah xafiiska ugu soo dhaweeyay madax ay ka mid ahayd Dr Adna Adan oo Somaliland u qaabilsan wada hadalada Somaliland iyo Somalia.

Sidoo kale waxa uu safiirku xafiiskiisa ku qaabilay madax ka tirsan xisbiga Waddani oo uu ka mid ahaa mudane Cabdiqaadir Jirde iyo madax kale oo xisbigaasi ka tirsan.

Waxana ay safiir Cabdifataax ay uga mahad naqeen sidii uu u soo dhaweeyay.

Xafiiska Somaliland ee dalka Jabuuti ayaa ah mid ka mid ah xafiiska ugu shaqada badan ee ay Somaliland ku leedahay dalka dibadiisa

Qaran News