PUNSAA iyo guddiga Xallinta Khilaafaadka doorashada Puntland oo shirkii u horreeyay maanta yeeshay

[Deeq A.]

Dallada bulshada rayidka Puntland ee PUNSAA iyo Guddiga Xallinta Khilaafaadka doorashada 2024 ayaa maanta shirkii u horreeyay yeeshay.

Qoraal ka soo baxay PUNSAA ayaa lagu yiri “waxaan maanta la kullanay guddiga khilaafaadka iyo xulista Baarlamaanka Puntland anaga oo ka kooban Culimada iyo hogaanka Bulshada Rayidka ee PUNSAA, PDRC iyo Rugta ganacsiga Puntland”.

“Guddiga waxaan u dardaarannay inay si cadaalad iyo hufnaan ah ugu xaqsooraan muwaadiniinta u sharaxan wakiilada beelaha ka imaanaya una soo xulaan bulshada reer Puntland xildhibaano ku tilmaaman sifooyinka wanaagsan ee hogaaminta” ayuu sii raaciyay qoraalka

PUNSAA ayaa sheegtay guddiga xallinta Khilaafaadka uu aad u soo dhoweeyey naseexada culimada iyo talooyinka ay bulshada rayidka ah usoo jeedisay islamarkaana ballanqaadeen in ay si daacad ah oo aan eex lahayn ku shaqaynayaan rajada bulshadana ay xaqiijinayaan.

“Kulanka ayaa kusoo dhamaaday wada shaqayn iyo iskaashi sii jira inay labada dhinac yeeshaan inta howlaha doorashooyinka ay socdaan” ayaa lagu yiri warka PUNSAA.

PUNTLAND POST

The post PUNSAA iyo guddiga Xallinta Khilaafaadka doorashada Puntland oo shirkii u horreeyay maanta yeeshay appeared first on Puntland Post.