Garoowe: Guddoomiye Cabdirashiid oo goor dhaw ku wajahan xarunta Baarlamanka ee xalay lala wareegay

[Deeq A.]

Guddoomiyaha Baarlamanka dowladda Puntland Cabdirashiid Yuusuf Jibriil ayaa goor dhaw ku wajahan xarunta Baarlamanka oo ay xalay la wareegeen Ciidamo aan isaga ka amar qaadan.

Ciidamo ka tirsan PMPF oo amar ka haysta Madaxweyne Deni ayaa xalay saq dhexe u daatay xarunta Baarlamanka islamarkaana kala wareegay ciidamadii hore u joogay halkaasi.

Warar lagu kalsoon yahay ayaa sheegaya in Madaxweyne Deni uu Ciidanka amar ku siiyay in ay la wareegaan xarunta si ay ugu shaqa bilaaban guddiga magacaaban ee xallinta Khilaafaadka doorashada.

Arrintan ayaa ku soo beegantay kadib markii Xukuumadda iyo Guddoonka Baarlamanka ay isku fahni waayeen wada-hadallo ku saabsan in guddiga xallinta Khilaafaadka doorashada lagu wareejio xarunta si ay ugu shaqeeyaan.

PUNTLAND POST

The post Garoowe: Guddoomiye Cabdirashiid oo goor dhaw ku wajahan xarunta Baarlamanka ee xalay lala wareegay appeared first on Puntland Post.