XOG: Xiisad ka taagan Xarunta Baarlamanka Puntland ee Garoowe

[Deeq A.]

Warar lagu kalsoon yahay oo aan ka helnay dhinacyo kala duwan ayaa sheegaya in khilaaf xooggan uu ka taagan yahay xarunta Baarlamanka Puntland ee magaalada Garoowe.

Madaxtooyada Puntland ayaa ku wargelisay Guddoonka Baarlamanka in ay xarunta u banneeyaan guddiga Xallinta Khilaafaadka doorashada 2024 si ay halkaasi ugu shaqeeyaan.

Waxaase arrintaas ka horyimid Guddoonka Baarlamanka oo diiday in ay xarunta ku wareejiyaan guddiga oo ay ku tilmaameen mid aan sharciga waafaqsanayn islamarkaana aysan aqoonsanayn.

Intaas kadib Madaxtooyada ayaa sida wararku sheegayaan ku hawlan in ay ciidamo ka baxsan kuwii hore geyso xarunta Baarlamanka si xoog looga saaro Baarlamanka looguna wareejiyo guddiga Xallinta Khilaafaadka doorashada.

PUNTLAND POST

The post XOG: Xiisad ka taagan Xarunta Baarlamanka Puntland ee Garoowe appeared first on Puntland Post.