Booliska Puntland oo gacanta ku dhigay nin gaari ka dhacay magaalada Garoowe

[Deeq A.]

Taliska Booliska dowladda Puntland ayaa shaaciyay in gacanta lagu soo dhigay shakhsi dhawaan gaari Leyla-calaawi ah ka dhacay magaalada Garoowe.

Qoraal kooban oo uu soo saaray Booliska Puntland ayay ku sheegeen in uu gacanta Booliska soo galay gaarigii la dhacay iyo ninkii la baxsaday.

Jaamac Aadan oo ku eedaysan dhaca gaariga ayaa hadda lagu hayaa xabsiga waxaana loo gudbin doona maxkamad si sharciga loo mariyo.

“Booliska ayaa gacanta ku dhigaan eedaysane Jaamac Aadam oo 25 November 2023 ka dhacay magaalada Garowe gaari nooca loo yaqaan Laylo”.

“Ciidanka Booliska oo markiiba bilaabay howlgal lagu sooqabanayo gaariga iyo eedaysanahii dhacay iyagoo gacanta ku soodhigay Waxaana la horgeyndoonaa Maxkamadda awooda u leh” ayaa lagu yiri Qoraalka.

PUNTLAND POST

The post Booliska Puntland oo gacanta ku dhigay nin gaari ka dhacay magaalada Garoowe appeared first on Puntland Post.